የመነኩሴ ጽንስ ሃሳብ በጥቂቱ

 

 

www.menekuse.org

     መነኩሴ ጠቅላላ ህይወቱን ለእግዚአብሄር የሰጠ ፡ በፈቃደኝነት እራሱን ደሃ በማድረግ ለምንም ዓለማዊ ኑሮ ፡ ገንዘብ ፡ ምቾትና የግል ጥቅም ሳይደለል ለዓለም ሁሉ ሰላም በመጸለይ ለበጎ ስራ ቃል ኪዳን የገባ በሁሉም የታመነ የቤተክርስቲያን ቅን አገልጋይ ማለት ነው። አንድ ታላቅ የሃይማኖት አባት ሲያስተምሩ "በዓለም ውስጥ ሆነው በፍቅር ሰርተውና በእምነት ጸንተው ቤተክርስቲያንና ገዳማትን የሚያጠናክሩ ሁሉ መነኩሴዎች ናቸው" እንዳሉት ፣ የመነኩሴም ጽንሰ ሃሳብ የተወለደው የነዚህን መነኩሴዎችና የጸኑ አማኞች  የበጎ ስራ ጽናትና ራዕይ በመከተል በቀና መንፈስ ህብረተሰብን በማነቃቃት ፣ ከቤተክርስቲያን ጎን ተሰልፎ ያለውን ዕውቀትና ገንዘብ በማካፈል ፣  በኢትዮጵያ ጥንታዊና ታሪካዊ ቤተክርስቲያናችንን ለመጠበቅና ለማሳደግ ፣ በቅድስት ሃገር ኢየሩሳሌም ገዳሞቻችንን ህጋዊ መብት አስከብሮ ለመንከባከብ ፣ በቀረው ዓለም በማበብ ላይ  የሚገኙት አብያተ ክርስቲያኖቻችን በየቦታው ያልተሟሉ ትንንሽ ቤተክርስቲያናት ከመክፈት ተላቀው በትልቅ ራዕይ ለሃገር ጭምር የሚተርፉ፣ በፍቅርና በሰላም እምነትን በማስፋፋትና ለትውልድ ጠቃሚ ተግባሮችን በመስራት በመንፈሳዊ የዳበሩ ለሰው ልጆች ማፍሪያ ማድረግ ነው። የቤተ ክህነት መረጃ እንደሚያመለክተው የኢትዮጵያ ኦርቶዶክስ ተዋህዶ ቤተክርስቲያን ከ40 ሚሊዮን ያላነሱ  ምዕመናን ፡ 400 ሺህ ካህናትና 1000 ገዳማት ባለቤት እንደመሆንዋ፣  ሁሉም ተከታይዋ ከዳር ሳይቆም በአንድነት ደግፎ ከተሳተፈ  ቤተክርስቲያናችን ያለጥርጥር ፣ በየጊዜው የሚፈትኗትን ክፉ መንፈሶች ተቋቁማ ፣ ሳትከፋፈል የነበራት አንድነት ተመልሶ እንደጥንቱ በአንድነት ፣ በፍቅርና በሰላም እምላክን የምናመሰግንባት ፣ በመንፈስ በልጽገን ሰማያዊት ኢየሩሳሌምን ለመወረስ የምንችልባትና፣ በሰላም እንድንኖር የምትመራን እንድትሆን በማሰብ ይህንን የመነኩሴ ድህረ ገጽ www.menekuse.org  በመጀመር ፣ ሁሉም የኢትዮጵያ ኦርቶዶክስ ተዋህዶ እምነት ተከታይ በየዓምዱ በቀረቡት ሃሳቦችና ሌሎችንም በመጨመር  ባለው የሙያ ችሎታና አቅም በመሳተፍ ፣ ከሚያመልክበት የአጥቢያው ቤተክርስቲያን በተጨማሪ ቢያንስ አንድ ቤተክርስቲያን ለመርዳት  "በኦርቶዶክሳዊ አገልግሎት /ORTHODOX MISSIONARY SERVICE/  እንድንሳተፍ በቁርጠኝነት በመነሳት ፣ አቅም ያለው ከቻለ በግል ፣  ወይም በቤተሰብ ፣ በጉዋደኛ ካለው ፀጋ ጋት ያህል በመቆንጠር  ለቤተክርስቲያናችን ህልውና አስተዋጽኦ እንድናደርግ ቆራጥ መንፈሳዊ ጥሪ ነው። 

          ይህም ከዳር እንዲደርስልን ፣ የፍቅር አምላክ የጌታችን መድሃኒታችን ኢየሱስ ክርስቶስ መንፈስ ፡ የአማላጅ እናቱ ቅድስተ ቅዱሳን ድንግል ማርያም፡ ልመና ፡የተራዳኢ መላእክትና የጻድቃንና ሰማዕታት ጸሎት ተሳክቶ ለቤተክርስቲያናችን ዘላለማዊ እንድነት እንድናመጣ ይርዳን። አሜን!!!!!!!!!!!

 

A Bit of Background 

Menekuse is the Amharic word for a monk. A Menekuse is an individual who is totally dedicated to God, takes the vows of poverty, chastity and obedience. They serve the church with dedication, work for the salvation of the world, and give their lives to charity work. The vision of Menekuse is born out of the lives of these dedicated Menekuses. Our vision is to empower communities by partnering churches, imparting vision to the next generation and bring together people to preserve the Ethiopian Orthodox Tewahedo Churches in Ethiopia,  our monasteries in Jerusalem and our booming churches all over the world. 

 

 

 

 

 

 

 

                                                                                                                                                                                                                  

 

          

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

If you are a professional please join us to help something in some way.

 

 

ለምን የድህረ ገጹ/ዌብሳይቱ/ ስም መነኩሴ ተባለ?

ክርስትና እንዳይስፋፋ ለ300 ዓመታት ያህል ንጉስ ቁስጠንጢኖስ ክርስትና ህጋዊ ሃይማኖት እንዲሆንና ክርስቲያኖችም በነጻነት እንዲያመልኩ እስካወጅበት ድረስ ክርስቲያኖች ሁሉ ህይወታቸውን ለክርስቶስ ፍቅር በመሰዋት የሰማእትነትን ከብር ተቀዳጅተው ነበር። ከዚያ በሁዋላ ግን ለሃይማኖት በመሞት የሚገኘው ሰማዕትነት ሲያበቃ ክርስቲያኖች የጌታችን ኢየሱስን ፈለግ ለመከተል ሰማእት ለመሆን በፈቃደኝነት እራሳቸውን በማደህየት ፡ የዚህ ዓለምን ገንዘብና ምቾት ሳይሆን መላ ሕይወታቸውን ለሞተላቸው የፍቀር ለአምላክ ሰጥተው ለእምነታቸው ጽናት ለቤተክርስቲያናችው ዕድገትና ጥንካሬ መኖር በመምረጥ በተናጠል በበረሃ ተለይተው በጾምና በጸሎት በመንፈሳዊ ህይወት የሚኖሩት መጠሪያ  መነኩሴ” ይባላሉ። እንዱሁ ክርስቲያን የሆንን ሁሉ በገንዘብና ጥቀም ሳንሸነፍ ለክርስትና ህይወታችን መስዋዕትነትና  ክርስቲያናዊ ህይወትን እንድንኖር የነሱን አርዓያ ለመከተል መጣርን  በማመልከት የመነኩሴ ጾምና በጸሎት ከአምላክ አስታራቂ እንደሚሆን ለኛም የመነኩሴ ጸሎትና ልመና አስታራቂ መንፈስን እንድንዲልክልንና በእንድ እንድንነሳሳ መነኩሴ ተብሎ  ተሰይሟል።

 

 

በእንግሊዝኛ አገላለጹ _MENEKUSE/monk or nun is an individual who is totally dedicated his or her lives to GOD, taken the vows of poverty, chastity and obedience, serve the church in special way, work for salvation of the world, and strive for the perfection of charity in His/Her own lives. MENEKUSE is an outstanding sign of the Church and a witness of Jesus Christ

 

 

 

የድህረ ገጹ መጀመሪያ ፎቶግራፍ ምንድነው???

 

 

በድህረገጹ ያለው ፎቶግራፍ  በእርግጥ ምንድነው የሚያሰኝ ነው። ማወቁ ደግሞ መንፈስን የሚፈውስ የክርስትና አውታራችን ነው። ፎቶግራፉ ከላይ የተነሳና ከመላው ዓለም የተሰበሰቡ ክርስቲያኖች ዙሪያውን ከበው ለመዳሰስ የሚታገሉበት በቅድስት አገር ኢየሩሳሌም ጎልጎታ ውስጥ የሚገኘው ጌታችን ኢየሱስ ክርስቶስ እኛን ከሲኦል ለማውጣት ተወግሮ ተሰቅሎ ተቀብሮ ሞትን ድል አድርጎ የተነሳበት የመቃብሩ ቦታ ነው ። ከፓትርያርክ እስከ ተራ ምዕመን ያለነው የክርስቶስ ተከታይ ስለሆንን የጌታችንን ኢየሱስ ፍቅር ሰላም እያሰብን ቂምን ትተን ፍቅርን፡ ጠብን ትተን ሰላምን ለማምጣት ለእምነታችን እንድንቆም ድህረገጹን በከፈትን ቁጥር ለፍቅሩ እንድንገዛ ለማሳሰብ ነው።

የድህረ ገጹ አዘጋጆች እነማን ናቸው? በቤተክርስቲያናችን ከምንሰማውና በግል ንባብ ካገኝነው ዕውቀት ሌላ ምንም ዓይነት መንፈሳዊ ትምህርት የሌለን ተራ ምዕመናን ስንሆን በቤተክርስቲያናችን ላይ የምናየው ሁኔታን ስላሳዘነን ያቅማችንን ለማበርከት የተነሳን ተራ ምዕመናን ነን።  

If you are a professional please join us to help something in some way.

 

God Bless You All.

Melekuse TeamM

Info@melekuse.org

 

የድህረ ገጹ አዘጋጆች እነማን ናቸው?

በቤተክርስቲያናችን ከምንሰማውና በግል ንባብ ካገኝነው ዕውቀት ሌላ ምንም ዓይነት መንፈሳዊ ትምህርት የሌለን ተራ ምዕመናን ስንሆን በቤተክርስቲያናችን ላይ የምናየው ሁኔታን ስላሳዘነን ያቅማችንን ለማበርከት የተነሳን ተራ ምዕመናን ነን።   

continue.

,
CONTINUE READING